Op den Inhalt sprangen

D'Astellungen

Vu LuKey Wiki
Versioun vum 14:38, 14. Nov. 2026 vum Admin (Diskussioun | Kontributiounen) (Import aus content/pages).

Fir d'Astellungen opzemaachen, tippt am Tab Notizen uewe lénks op d'Zännrad. Mat Fäerdeg maacht Dir se nees zou.

Ännerunge gëllen direkt, fir d'App a fir d'LuKey-Tastatur.

Sprooch vun der App

Den Ufank vun den Astellungen: Sprooch vun der App, Sproocherkennung, Vokabulär
Den Ufank vun den Astellungen: Sprooch vun der App, Sproocherkennung, Vokabulär

Sprooch vun der App: Lëtzebuergesch, Däitsch, Franséisch, Englesch oder Sprooch vum iPhone. Si gëllt fir d'App an d'LuKey-Tastatur.

D'Sprooch, an där Dir diktéiert, ännert sech domat net.

Déi selwecht Astellung fannt Dir och an den Astellunge vum iPhone ënner Apps › LuKey › Sprooch.

Sproocherkennung

  • Transkriptioun: Online (LuxASR-API) oder Lokal (LuxASR medium-v1). Kuckt Online oder Lokal?
  • Lokale Modell (just mat Lokal): den Download an d'Virbereedung vum Modell. Kuckt De lokale Modell.

Erkennung

D'Astellunge mat Online: Geschwate Sprooch, Spriechertrennung, Hesitatioune behalen, Upload-Format
D'Astellunge mat Online: Geschwate Sprooch, Spriechertrennung, Hesitatioune behalen, Upload-Format

Dës Astellunge gëtt et just mat Online:

  • Geschwate Sprooch: Lëtzebuergesch oder Däitsch.
  • Spriechertrennung: trennt den Text vu méi Spriecher, zum Beispill bei engem Gespréich.
  • Hesitatioune behalen: Hesitatioune si Fëllpause wéi ëëë oder äh. Standardméisseg ginn se ewechgelooss.
  • Upload-Format: WAV (16 kHz) ass d'Format, dat LuxASR recommandéiert. AAC brauch ongeféier 8× manner mobil Donnéeën.

Vokabulär

Hei kënnt Dir Nimm, Plazen a Begrëffer opschreiwen, déi LuKey richteg schreiwe soll, zum Beispill: Iechternach, Wäiswampech, Préizerdaul.

  • Déi wichtegst als éischt, mat Kommae getrennt.
  • Schreift just Wierder op, déi Dir wierklech sot. Soss kënnen se änlech Wierder an Ärem Text ersetzen.

Dat Vokabulär gëllt fir Online a fir Lokal.

Automatesch ofschléisse bei Rou

D'Astellungen Rou-Schwell, Ofschléissen no an d'Astellunge vun der Tastatur
D'Astellungen Rou-Schwell, Ofschléissen no an d'Astellunge vun der Tastatur

Nodeems Dir geschwat hutt, gëtt d'Opnam automatesch ofgeschloss an transkribéiert, soubal et eng Zäit roueg ass.

  • Rou-Schwell: ënner wéi engem Peegel et als roueg gëllt. Dat ass déi orange Markéierung um Peegel wärend der Opnam. Wann ëm Iech vill Kaméidi ass, setzt d'Schwell méi héich.
  • Ofschléissen no: wéi laang et roueg muss sinn (standardméisseg 3 Sekonnen). Op Aus setzen, fir ëmmer selwer ofzeschléissen.

Tastatur

  • Beim Opmaache Mikro aschalten: de Mikro geet un, all Kéier wann Dir d'LuKey-App opmaacht. Esou ass d'LuKey-Tastatur direkt prett. Eréischt wann Dir op Diktéieren tippt, gëtt opgeholl.
  • Mikro bleift prett: wéi laang de Mikro nach un bleift, nodeems Dir d'App verlooss oder fir d'lescht diktéiert hutt (1 bis 30 Minutten, standardméisseg 5).
  • Tastaturlayout: QWERTZ, QWERTY oder AZERTY. Dir kënnt och op der Tastatur op d'Etikett QWERTZ tippen.
  • Haptesche Feedback: den iPhone vibréiert liicht, wann Dir eng Tast dréckt.
  • Automatesch Groussschreiwung: den éischte Buschtaf vun engem Saz gëtt grouss geschriwwen.
  • Tastatur-Autorisatiounen…: weist den Tab Autorisatiounen.
  • Diktat-Knäppche vum iOS weisen (standardméisseg aus): ënner der LuKey-Tastatur weist den iOS säin eegene Mikro fir d'Diktéierfunktioun vum iPhone, déi kee Lëtzebuergesch versteet. LuKey freet den iOS, en auszeschalten, ausser Dir schalt dës Astellung un. D'Ännerung gëllt, wann d'Tastatur déi nächste Kéier opgeet. Kuckt Den iOS-Mikro ënner der Tastatur.

Méi iwwer de Mikro: De Tastatur-Mikro.

Tippen

D'Astellung Diktat-Knäppche vum iOS weisen an d'Astellungen Tippen: Wuertvirschléi, Diktatfunktiounen erëm weisen no, Autokorrektur, Intelligent Tasten-Erkennung, Geléiert Wierder zrécksetzen
D'Astellung Diktat-Knäppche vum iOS weisen an d'Astellungen Tippen: Wuertvirschléi, Diktatfunktiounen erëm weisen no, Autokorrektur, Intelligent Tasten-Erkennung, Geléiert Wierder zrécksetzen

Dës Astellunge gëllen fir d'Tippe mat der LuKey-Tastatur. Alles ass standardméisseg ugeschalt.

  • Wuertvirschléi: d'Virschléi fir lëtzebuergesch Wierder iwwer den Tasten, an dat nächst Wuert no engem Espace. Si kommen och, wann Dir de Cursor beweegt. Ausgeschalt bleiwen d'Diktat-Knäppercher ëmmer ze gesinn. Kuckt Wuertvirschléi.
  • Diktatfunktiounen erëm weisen no: wéi vill Sekonnen no der leschter Tast d'Diktat-Knäppercher erëmkommen (2, 3, 5 oder 10, standardméisseg 3). Mat Manuell kommen se eréischt erëm, wann Dir op < tippt.
  • Autokorrektur: verbessert en Tippfeeler, wann Dir en Espace oder e Satzzeechen tippt. Kuckt Autokorrektur.
  • Intelligent Tasten-Erkennung: d'Buschtawen, mat deenen e Wuert weidergoe kann, sinn e bësse méi einfach ze treffen. Kuckt Intelligent Tasten-Erkennung.
  • Geléiert Wierder zrécksetzen…: d'Tastatur vergësst d'Wierder, déi se vun Ärem Tippe geléiert huet, an d'Verbesserungen, déi Dir réckgängeg gemaach hutt. D'Tastatur brauch de vollen Zougrëff, fir dat ze gesinn.

Fir all dat gëtt näischt iergendwouhi geschéckt: kuckt D'Wuertlëscht.

Schreifweis an den Notizen

Schreifweis an den Notizen iwwerpréiwen (standardméisseg un): an den Notize vun der App ginn Wierder, déi net an der lëtzebuergescher Wuertlëscht vun der Tastatur stinn, rout ënnerstrach, a Wierder, déi d'n-Reegel net respektéieren, blo. Kuckt Schreifweis iwwerpréiwen.

Notizen

D'Astellungen Notizen importéieren a Iwwer
D'Astellungen Notizen importéieren a Iwwer

Notizen importéieren…: liest e Fichier mat exportéierten Notizen a füügt se derbäi. Dat geet och, wann nach keng Notizen an der App sinn, zum Beispill nodeems Dir d'App nei installéiert hutt.

Fir Notizen z'exportéieren, tippt an der Lëscht vun den Notizen op Auswielen, wielt se aus a tippt op Exportéieren. Kuckt Notizen exportéieren an importéieren.

Debug

D'Astellungen Debug: Beréierungsfläche weisen, Diagnos ophuelen, Diagnos
D'Astellungen Debug: Beréierungsfläche weisen, Diagnos ophuelen, Diagnos

Dës Rubrik gëtt et just an der Betaversioun (TestFlight). Si hëlleft, Problemer ze fannen an d'Tastatur ze verbesseren.

  • Beréierungsfläche weisen: d'LuKey-Tastatur weist iwwer den Tasten, op wéi eng Fläch all Tast grad reagéiert. D'Buschtawen, déi d'intelligent Tasten-Erkennung méi grouss mécht, si gréng. Dat ass fir ze testen, ob d'Tasten-Erkennung gutt agestallt ass; fir normaalt Tippe schalt Dir et besser aus. D'Tastatur brauch de vollen Zougrëff, fir dës Astellung ze gesinn.
  • Diagnos ophuelen: schalt d'Ophuele vun den Zäiten vun den Transkriptiounen un oder aus.
  • Diagnos: technesch Informatiounen iwwer d'Transkriptiounen mat Lokal (Lued- an Transkriptiounszäiten, Späicher), déi mir hëllefe kënnen, e Problem ze fannen. Dir kënnt se kopéieren a mir mat Ärem Feedback schécken. Si enthalen weder Audio nach Text.

Iwwer

  • Iwwer LuKey: wien d'App entwéckelt huet a firwat, den Dateschutz, an d'Quelle vun der Wuertlëscht.
  • Projetssäit vu LuKey: d'Websäit vum Projet.
  • Iwwer LuxASR: d'Sproocherkennung, d'Modeller an hir Lizenz.

Ganz ënnen steet d'Versioun vun der App, zum Beispill „LuKey 1.0 (7)“. Gitt se w.e.g. un, wann Dir e Feeler mellt.